*******************************
အဆင်းလှတိုင်း မခင်ကြနဲ့
အတင်း မ,တိုင်း ဘဝင်မကျနဲ့
အပြောချိုတိုင်း ပျိုမကြိုက်နဲ့
အရောပိုတိုင်း အလိုမလိုက်နဲ့
ဝါ၀ါမြင်တိုင်း ရွှေအစစ်မထင်နဲ့
လာလာခင်တိုင်း မေအချစ်မ၀င်နဲ့
အလိုလိုက်တိုင်း ကမ်းမတက်နဲ့
အပျိုကြိုက်တိုင်း အငန်းမဖက်နဲ့
မရင်းနီးဘဲ မခေါ်မထူးနဲ့
အတင်းကြီးလည်း အပျော်မကျူးနဲ့
ကိုယ်ပိုင်မရှိဘဲ မကြွားချင်နဲ့
နဂိုစတိုင်မရှိဘဲ အငှားမပြင်နဲ့
ပလီပလာလည်း မချွဲပြနဲ့
ကလီကမာလည်း မကဲကြနဲ့
အလိုက်မသိလည်း မချေးငှာနဲ့
စရိုက်မသိဘဲ မပေးစာနဲ့
အသစ်ဆိုတိုင်း မသုံးဘူးချင်နဲ့
အချစ်ပိုတိုင်း မမုန်းဘူးမထင်နဲ့
မကြိုးစားဘဲ အချောင်မနှိုက်နဲ့
အကျိုးမများဘဲ မလှောင်လိုက်နဲ့
သိက္ခာဖျက်ပီး ရိက္ခာမမက်နဲ့
ရိပ်သာထွက်ပီ အဝိဇ္ဇာမတက်နဲ့
ရှိတိုင်းလည်း အကြွားမပိုနဲ့
သိတိုင်းလည်း စကားမဆိုနဲ့
မလိုအပ်ဘဲ မဖြုန်းတီးနဲ့
အပိုမကပ်ဘဲ အသုံးမကြီးနဲ့
အဆံမရှိဘဲ သူများမကျောနဲ့
အမှန်မသိဘဲ မုသားမပြောနဲ့
သတင်းစကားတိုင်း မယုံလေနဲ့
အတင်းကားတိုင်း မဖြုံလေနဲ့
မြှောက်တိုင်းလည်း မမြောက်နဲ့
ခြောက်တိုင်းလည်း မကြောက်နဲ့
ဝ,မရှိဘဲ ဝိ,မလုပ်ကြနဲ့
ဇ,မရှိဘဲ မထိခလုပ်မစနဲ့
အကြောင်းမသိဘဲ မသုံးသပ်နဲ့
ပေါင်းမကြည့်ဘဲ မဆုံးဖြတ်နဲ့
ကိုယ်ချင်းမစာဘဲ မပြောလေနဲ့
လိုရင်းမပါဘဲ အကြောမရှည်နဲ့
မဟုတ်သတင်းလည်း မဖွကြနဲ့
ကုတ်ကမြင်းလည်း မထကြနဲ့
ငါ မသတ်ဘဲ သူမြတ်မလုပ်နဲ့
စာမဖတ်ဘဲ လူတတ်မလုပ်နဲ့
အများပြောတိုင်း အဟုတ်မမှတ်နဲ့
တရားဟောတိုင်း မပုတ်ခတ်နဲ့
ပလ္လင်ပေါ်တက်ကာ မဟုတ်မဟတ်မဟောနဲ့
စင်ပေါ်တက်ကာ လုပ်ဇာတ်မပြောနဲ့
အပြင်ပန်းကြည့်ကာ ထင်ကြေးပေး မစောနဲ့
ခင်မှန်းသိကာ အခွင့်ရေးပေး မပြောနဲ့
လိုင်းပေါ်မှာတင်တိုင်း ယုံစရာလို့မထင်နဲ့
ဝိုင်းအော်တာမြင်တိုင်း အကုန်ပါဖို့မပြင်နဲ့
မကြံသာ သာကူးလည်း မကူးကြနဲ့
မတန်ရာ ရာထူးလည်း အရူးမထနဲ့
ဘေးအမြင်
မကြည့်ဘဲ ငါတကော မကောနဲ့
အတွေးအမြင်
မရှိဘဲ ဗလာပြော မပြောနဲ့
ငါအထင် အယူသီးကာ ခေါင်းမဆောင်ကြနဲ့
တာဝန်ယူပြီးကာ ခေါင်းမရှောင်ကြနဲ့
အလုပ်မလုပ်
ဗရုတ်နေကာ ပွါးပေါက်မခြူနဲ့
မလုပ်မရှုပ်
မပြုတ်နေရာ သွားကောက်မယူနဲ့
လိုက်နာလျင်အကျိုး မလိုက်နာရင်အပြစ်
ရှောင်နိုင်လျင်လူတော် မရှောင်နိုင်လျင်လူသရော်
လူပေါ်လူဇော်
လုပ်လိုသူများအတွက်
အဘက်ဘက်က
အရည်ချင်းပြည့်စေရန်
ကာရံညီ ဆုံးမစကား
ခပ်ပါးပါးလေး
ရေးပေးလိုက်ပါတယ်
ဒေါက်တာအရှင်ကုမုဒ
(ဗောဓိတထောင်)
လန်ဒန် -
အင်္ဂလန်
No comments:
Post a Comment